chuchichäschtli AHOI

hoi zäme

ich wohne in schlierä bi züri.
ich finde schwiizerdüütsch schribe ganz eifach gitt ja schliessli kei rächtschriibig...

liebi grüess

hoi zäme
södeli, no än Komentar vo einerä wo in Winti ufgwachsä isch und siit 8 Jahr in Züri wohnt. In Schwamedinge, und z'schwamedinge isch's schööön, mir wonäd nämli grad am Wald ebä hald down-town Switzerland (das isch im fall dä Wärbeslogan vo Züriturismus)

Mir händ än Goldi wo 14 Mönät alt isch und momentan grad nur Quatsch im Chopf hät. Allerdings liiter grad underem Bürotisch und pfuuset, damit er dänn nachär wieder seich mache cha.

also wär mit Bääärndütsch müe hät dä söll mal gschribnigs Luzärnerdütsch verstaa, das isch dänn lutschtig. Brichschder fascht d'Auge usä.
Mini Kolegine usem Studium schirbed immer in Mundart. Eini us Bärn, eini usem luzärnische und eini wo nöd rächt weiss was sie wot und drum knapp Züritütsch schriibt und ich mit mim Geschwafel. Also mär gwönt sich a ales gäll

Und wämer grad scho debii sind: weiss öper obs im Rum Züri öper git wo für Zughundesport Kürs abüütet? Sueche scho lang öppis will ich würd gärn min Flozirkus nochli andersch beschäftige.

Grüessli us Züri, wos grad cheibä bedekt und gruusig chalt isch

Hei bi mir isch es grad umgekehrt. Bin in Höngg ufgwachse und wohne jetzt ca. 1.5 Jahr in Winti.
Und min brüeder wont au in Schwamedinge (in schwamedinge isch chilbi in schwamedinge isch tanz, da langet die meitli dä buebe an schwa....medinge isch chilbi....) Das hämmer immer nur über schwamedinge gseit. hehehe
Also schwamedinge und winti isch ja nöd sooo wiit entfernt, wän mal luscht häsch das eusi 2 chli chönd toobe, nur mälde.
ou ja Luzern, möuch und böudschirm.

aber was ich immer lustig find, wänn als zürcher anke seisch, dän weiss niemert was das isch, nödemal alli zürcher. heieiei

also z'winit hämmer immer Ankä gseit und jetzt schnuri scho wienä zürischnure und sägä Butter. Neisoöppisaberau
he he, ja genau Chilbi.. isch au erscht grad gsii
also das mitäm Träffä isch ächli schwirig, mir händ unglaublich vill vor vom Oktober bis im Dezämber, äs wird mär fascht ächli gschmuuch wäni dratänke... aber ich phalts im Hinderchopf und vilicht wirds ja mal öppis gäll.
Grüess us Eschikä, det schaffi nämli

Also ich han als zürischnurre au fast immer anke gseit.
Irgendöpis hät mich da zwinti voll stört woni da ane cho bin, irgend es wort, aber chan der nüme säge was es gsi isch. Warschinich sägis jetzt scho sälber.
Und das zwinti säged alli füf, das heisst foif mini liebe lüt.

hät dich eventuell das Wörtli "nid" gstört? Das säged nämli ali öschtlich vo Effretkä, und ja genau, das heisst füf!

also ich wohne ja in schliere-ghetto und da sägemer: hey alder gib mal de budder!!!

nei, zu mine schuelziite isch ja alles no in ordnig gsi... aber jetz...
isch mängmal scho rächt krass wänn die jugendliche rede ghörsch...

Ah, Schlierä-Ghetto, au sehr sympatisch

De muessi wohl au mal mi seich dezue gäh ond zwar imene aschtreine Lozärner-Dialäkt. Wär nüd verstohd söll sech mäude
Schöön dasmer do au mal so schriibe cha wie eim s'Muul gwachse esch.
E rüüdigi Sach

Ech grüesse aui Schwiizer, diräkt vom Sämpachersee.

Zitat

Ah, Schlierä-Ghetto, au sehr sympatisch

joa gäll grass mann!